Sənin səyahətin, sənin hekayən

Tufandag Mountains Resort kompleksi Qəbələ şəhərindən 4 kilometr məsafədə yerləşir. Kurort qonaqlara təbiətlə harmoniyada müxtəlif ekstrim idman və turizm fəaliyyətlərindən zövq almağa imkan verir. Kompleksinin tərkibində yüksək standartlara cavab verən Tufandag Mountains Resort (Qafqaz Tufandağ Oteli) fəaliyyət göstərir. Otel Qafqaz dağlarının ətəyində, Dəmiraparan çayının sahilində yerləşir və Qəbələ beynəlxalq aeroportundan 20 kilometr məsafədədir. Otelin otaqları xüsusi isti rənglərlə artdeko üslubunda hazırlanmışdır. Burada iki əsas restoran, qəlyənaltı və tez qidalanmaq üçün restoran, spa, gözəlllik salonu, buxar otağı və digər xidmətlər mövcuddur. Qış mövsümündə qonaqlar xizək sürmə, kanat yollarında gəzinti, qar motosikleti və qarda gəzinti kimi əyləncələrdən istifadə edə bilərlər.